2ª Div. Sen. - O Arteixo cae na súa visita a Santiago

2ª División Senior Masculina: Compañia de María 66 - C.B. Arteixo 51

Partido correspondente á terceira xornada da 2ª división masculina, disputado o sábado ás 20:00 horas no Colexio Compañía de María de Santiago.

Nova derrota para o equipo dirixido por Fran Lozano. Presentábase o equipo en Santiago despois de perder na casa o primeiro partido, coa idea de resarcirse desta derrota, pero non puido ser.

O partido comezou cos dous equipos un pouco fríos e pouco a pouco foron asentándose e anotando con cerca facilidade, pero sen acadar ningún dos dous equipos unha diferenza grande para distanciarse no marcador. Rematou o primeiro periodo 20-15 a favor dos locais.

O segundo periodo foi nefasto para os arteixáns. O equipo só foi capaz de anotar 6 puntos, estando case 8 minutos sen anotar e case sen tirar á canastra, debido ás numerosas perdas de balón que propiciaban canastras moi fáciles para os locais. O equipo xogou sen "chispa" e así ó descanso xa había unha diferenza de 15 puntos (38-23).

Non melloraron as cousas moito no terceiro periodo, e a esto uníaselle a recaída de Manu da súa lesión nos isquiotibiais, que non puido continuar xogando o encontro. Despois de chegar a estar 20 puntos abaixo, unha serie de boas defensas recortaron a diferenza ata os 11 puntos, pero outra vez as perdas de balón volveron a poñer ós locais con 19 puntos de vantaxe, cehgando ó final do periodo cunha vantaxe de 20 puntos (55-35).

No último periodo, os arteixáns intentaron darlle a volta ó marcador, pero non foron capaces de rebaixar máis de 5 puntos a distancia, chegándose ó final do partido 66-51, 15 puntos que deixan á vista que os arteixáns non realizaron un bo partido e perderon con claridade.

A próxima semana, volverán os arteixáns ó Pazo dos Deportes de Arteixo para xogar contra La Salle-Arzúa. O partido será o domingo ás 12:00 horas. Prevese un partido difícil xa que os santiagueses están na primeira posición da clasificación con 3 victorias e sen coñecer a derrota.

Por parte do Compañía de María xogaron Pavón (0), Paz (13), Aldrey (0), Isequilla (6), Brusco (1), Arcas (-), Souto (20), Cerro (-), Zas (17), López (9) e Rey (-).

Adestrador: Manuel López

Por parte do C.B. Arteixo xogaron Ramón (6), Rober GArnelo (2), Álex Ocampos (7), Guille (7), Manu (5), Lute (7), Rober Vilariño (17), Manu Rey (-) e Fabián (-) .

Adestrador: Fran Lozano

Árbitros: Guillermo Ríos e Manuel Seijo

2ª División Senior Masculina - Resultados y clasificación

COMPAÑIA DE MARIA STGO. - CB ARTEIXO	66-51	19/10/2013	20:00
ARZÚA-LA SALLE - C.D.R. FERROL	96-54	19/10/2013	18:00
CARBALLO BASKET - CB CULLEREDO	68-44	19/10/2013	20:00
CENOR CLUNY - INSTITUTO ROSALIA	62-51	20/10/2013	19:00
C.B.CELTAS - PELETEIRO	50-62	19/10/2013	18:00

	Equipo	P.J.	P.G.	P.P.	P.F.	P.C.	PTO.	R.
1	PELETEIRO	3	3	0	192	136	6	+3
2	ARZÚA-LA SALLE	3	3	0	242	189	6	+3
3	COMPAÑIA DE MARIA STGO.	3	2	1	170	158	5	+1
4	CARFERLO C.B. VIVEIRO	2	2	0	141	112	4	+2
5	INSTITUTO ROSALIA	3	1	2	197	203	4	-1
6	CENOR CLUNY	3	1	2	165	173	4	+1
7	CARBALLO BASKET	3	1	2	159	186	4	+1
8	C.D.R. FERROL	3	1	2	170	230	4	-1
9	C.B.CELTAS	2	1	1	113	113	3	-1
10	CB CULLEREDO	3	0	3	154	185	3	-3
11	CB ARTEIXO	2	0	2	104	122	2	-2

Fuente: C.B. Arteixo